Tgi essan nus?
Chant e divertiment! Avair plaschair da chantar e sautar!
Nus vulain transmetter als uffants il plaschair da chantar e sautar cun chanzuns d’acziun, gieus e preschentaziuns. Cun ina scolaziun fundada e pretensiusa emprendan ils uffants da duvrar endretg lur corp e lur vusch.
Ils uffants vegnan scolads da persunas d’instrucziun professiunalas. Cun emprender era chanzuns da linguas estras vegn promovì il sentiment linguistic. La tscherna da litteratura universala pussibilitescha da survegnir ina invista en l’atgna cultura sco era en culturas estras.
Nus ans laschain purtar e diriger oravant tut da la musica. Nus sperain da pudair uschia transmetter blers bels muments musicals ed interumans, impressiunants e nunemblidaivels.
Noss motto
Il chant
Ils uffants vegnan manads da « lur » musica ritmica (pop etc.) a la sonoritad. Quella vegn promovida cun il concert da Nadal en la baselgia da la Sontga Crusch a Cuira. La musica ritmica chatta ses post mintgamai en ils concerts da primavaira ch’èn accumpagnads d’ina band professiunala.
Il moviment
Entant ch’il chor 1 vegn oravant tut accumpagnà da gests, elavurescha il chor 2&3 gia choreografias «perfecziunadas» per las chanzuns sut la direcziun d’ina pedagoga da saut.
Il saut ed il moviment cumpiglian en circa 30-40% dal trenament.
La lingua
Cun elavurar pli e pli chanzuns da linguas estras acquistan ils uffants a maun dals texts da las chanzuns bler dal sentiment linguistic e da la melodia da las diversas linguas.